ආපසු ආ ගගනගාමීන් දෙදෙනාට වෛද්‍ය ප්‍රතිකාර
දින 8 ක මෙහෙයුමක් සඳහා පෘථිවි කක්ෂයේ රඳවා ඇති ජාත්‍යන්තර අභ්‍යවකාශ නැවතුම්පොළට ගොස්, ආපසු පෘථිවියට පැමිණීමට නොහැකිව, මාස 9 ක් අභ්‍යවකාශ නැවතුම්පොළේ රැඳී සිටීමට සිදුවුණු නාසා ගගනගාමීන් දෙදෙනා සුනීතා විලියම්ස් සහ බුච් විල්මෝර් යළි පෘථිවියට පැමිණියහ.
සුනීතා විලියම්ස් සහ බුච් විල්මෝර් පමණක් නොව තවත් ඇමෙරිකන් සහ රුසියන් ගගනගාමියෙක් ද ‘ස්පේස් එක්ස්‘ සමාගමේ ‘ඩ්‍රැගන්‘ ගගන කැප්සියුලයේ ආධාරයෙන් පෘථිවියට පැමිණියහ.
ඩ්‍රැගන් කැප්සියුලය ඇමෙරිකාවේ වේලාවෙන් සවස 5.57 ට පැරෂූට් ආධාරයෙන් ෆ්ලොරීඩාවට ඔබ්බෙන් මුහුදට පතිත කෙරුණි.
නාසා ආයතනයේ නිලධාරීන් සදහ නාවික හමුදාව කැප්සියුලය ඔවුන්ගේ භාරයට ගත් අතර, 9 හැවිරිදි සුනීතා විලියම්ස් සහ 62 හැවිරිදි බුච් විල්මෝර් වෛද්‍ය පරීක්ෂණ සඳහා යොමු කෙරුණි.
මොවුන් දෙදෙනාට තවත් දින 45 ක් වෛද්‍ය අධීක්ෂණය යටතේ හූස්ටන් පිහිටි නාසා ආයතනයේ ජොන්සන් අභ්‍යවකාශ මධ්‍යස්ථානයේ රැඳී සිටීමට සිදුවනු ඇත.
