හෘදයාබාධයක් හඳුනා ගන්නේ කොහොමද



 

ආචාර්ය චන්දිමා විජේගුණවර්ධන පැහැදිලි කරයි

 

ශරීරයේ ඉතා වැඩි වැඩ කොටසක් කරන හදවත නිරෝගීව තබා ගැනීම යහපත් සෞඛ්‍යයකට මංපෙත් විවර කිරීමකි. ශරීරය තුළ හෘදයේ ක්‍රියාකාරීත්වය කිසි විටෙක නැවැත්විය නොහැකියි. හෘදයට වැඩිපුර වැඩ කළායැයි කෙදිනකවත් නිවාඩු ගත නොහැකියි. ශරීරයේ සැතපුම් 60000ක් පමණ දිනපතා රුධිරය පොම්ප කරන හෘද වස්තුව නොනවත්වා රාජකාරියේ යෙදෙයි. සියලුම රුධිර බින්දු හෘද වස්තුව මඟින් පොම්ප කර ශරීරයට මුදා හැරේ.

අද රිය අනතුරු, යුද මරණවලටත් වඩා හදවත් රෝග නිසා මිය යන ප්‍රතිශතය ඉහළ ගොස් ඇත. හෘදයාබාධවලට ගොදුරු වී පසුතැවෙනවාට වඩා කල්තියා හඳුනාගැනීමෙන් ඉන් ආරක්ෂා විය හැක.

හෘදයාබාධයක් හඳුනා ගන්නේ කෙසේද?

පපුවේ මැදින් සියුම් වේදනාවක් ඇරැඹේ. එය පෙනහලු 02කට මැද්දෙන් පටන් ගනී. එය පපුව තෙරපෙන්නාක් මෙනි. ක්‍රම ක්‍රමයෙන් වේදනාව වැඩි වී වම් අත පහළට හෝ හක්ක දෙසට විහිදී යා හැකිය. දිගින් දිගටම දැනෙන වේදනාව පිට පැත්තේ උරපත් ඇට 02 අතරටද විහිදේ. එනම් ශරීරයේ කොඳු නාරටිය පිටුපස  පෙදෙසටත් ව්‍යාප්ත විය හැකි බවයි. බඩේ දැවිල්ලක් ලෙස දැනීමක් ඇති විය හැකියි. මීට සමගාමීව දැඩි හිසරද ගතියක්, වමනය සහ ඔක්කාර ගතියක් දැනේ. පපුවේ ගැස්ම වැඩි වේ. හුස්ම ගැනීමේ අපහසුවක් දැනේ. අධිකව දහදිය දමයි.

හෘද රෝගයක් ඇති වීමට බලපාන ප්‍රධාන සාධක

දුම්පානය

දිනපතාම දුම්පානය කරන පිරිස් නොදැනුවත්වම සිරුරට එකතු කර ගන්නා නිකොටින් ප්‍රමාණය ඉහළ යයි. මේවා නහරවල බැඳී කාලයක් මුලුල්ලේම දුම්පානයේ යෙදීම නිසා

නිකොටින් පෙනහලු දක්වා බැඳෙන්නට පුලුවනි. හෘද වස්තුවේ පැවැත්මට මෙය සුබදායී නොවේ.

අධික කොලෙස්ටට්‍රෝල්

ශරීරයේ ඇති සියලුම ඛනිජ, විටමින්,මේදය සහ ලුණු ප්‍රවාහනය කරන්නේ රුධිරයයි. මෙහිදී මේදය වැඩි නම් ඒවා නහරවල තැම්පත් වේ. සමහර විට යම් යම් ස්ථානවල වැඩිපුර තැම්පත් වේ. නහර වක්‍ර වීම නිසා හෘදය මඟින් රුධිරය පොම්ප කිරීම අඩපණ කරයි. සමහර මේදය එක්තැන් වූ ස්ථාන පිපිරීමෙන් රුධිරය ගණ වේ. රුධිර කැටි ඇති වීමද හෘද රෝගවලට හොඳ මූලාරම්භයකි.

ස්ථුලතාව

සිරුරේ මේදය තැම්පත් වීම සහ කාබෝහයිඩ්ඩ්‍රේට් අඩංගු ආහාර වැඩිපුර ගැනීම නිසාත් ඇඟේ බර වැඩි වේ.

අධි රුධිර පීඩනය

පිටතින් ලබා ගන්නා ආහාරවල ලුණු වැඩි වීම නිසා සිරුරේ අභ්‍යන්තරයේ නිෂ්පාදනය කරන ලුණු ප්‍රතිශතය වැඩි වීමෙන් අධි රුධිර පීඩනය ඇතිවේ. හදවතේ පීඩනය වැඩි වීමෙන් සෑම විනාඩියකටම හදවතට ඇතුලු වන රුධිර බින්දු ප්‍රමාණය වැඩි වීමෙන් හදවත රෝගාතුර වේ.

කායික ව්‍යායාම අඩු වීම

දියවැඩියාව -මෙකී රෝගීන්ගේ රුධිරය බරින් වැඩි වීම නිසා ශරීරයේ ගමන් කරන්නේ ඉතා මන්දගාමී ස්වරූපයකිනි. සමහර රෝගීන්ගේ රුධිර නාල බිත්ති බර වීම නිසා පුපුරා යයි. එය හෘදය වස්තුවට සුබදායී වේ.

මානසික අසහනය

සිත් කම්පන, වෛරී සහගත හැඟුම්, කළහ,අමනාපකම්, හෘද රෝග ඇති වීමට තෝතැන්නකි.

ජන්ම ප්‍රවේනිය

තම පවුලේ සාමාජිකයකුට හෝ ලේ ඥාතියකුට හෘද රෝග ඇත්නම් තමන්ටද එය වැළඳීමේ අවකාසය ඇත.

මීට අමතරව මෘදු ජලය භාවිත කිරීම, උපත් පාලන පෙති භාවිතය, අධික කෝපි පානය, උපත් බර අඩු වීම වැනි අප්‍රධාන සාධකද බලපානු ලැබේ.

සටහන- මාධවී ධර්මරත්න


RECOMMEND POSTS