විටමින් - සී අඩු වුණොත් ?
ආචාර්ය චන්දිමා විජේගුණවර්ධන
වර්තමානයේ ඇති විටමින් අතුරින් විටමින් සී යනු ජනප්‍රිය නාමයකි. Ascrobic acid යනුවෙන් හඳුන්වන්නේද විටමින් සී වේ. මිනිස් සිරුරේ සෛලවලට සේම සතුන්ගේ සිරුරේ සෛලවලටද විටමින් සී අවශ්‍යතාව පැන නගී. ඒවා සිරුර තුළද නිෂ්පාදනය කෙරේ. ඊට අමතරව අප ලබා ගන්නා ආහාර මගින්ද මෙම විටමිනය සිරුරට එකතු වේ. වයස සේම ගැහැණු , පිරිමි බෙදීම අනුවත් කිරි දෙන මවුවරු සේම ගැබිණි මවුවරුන්ටද අවශ්‍ය විටමින් සී ප්‍රමාණය වෙනස් වේ.
සෞඛ්‍ය කෙරෙහි බලපැවැත්ම
ඉන්ද්‍රිය රැකවරණය සේම lipo protein molecules කියන මේද විශේෂය ආරක්ෂා කරමින් සිරුර අභ්‍යන්තරයේ විස හරණය කරයි.
විටමින් සී අඩු වීමෙන් හට ගන්නා රෝග
scury ආසාදනය, විදුරුමස්වලින් ලේ වහනය වීම, සම අවපැහැ වීම, තුවාල සුව වීමට කල් ගත වීම, සුව නොවී පැවතීම, ස්නායු පද්ධතියේ ඇති අපහසුතා සහ බිඳ වැටීම්, සාමාන්‍ය උණ තත්ත්වය, සෙම්ප්‍රතිශ්‍යා ආසාදනය ඇතුළත්ව වණ වීම්, අසාත්මිකතා, ඇදුම රෝගය, බ්‍රොන්කයිටීස්, පෙණහලුවල ආරක්ෂාවටද විටමින් සී අවශ්‍ය වේ.
එසේම නහර ආශ්‍රිත සියලුම රෝග, හෘදයාබාධ ඇතුළත්ව ඇටමිදුළු ආශ්‍රිත රෝග, පිළිකා, ඇස් අමාරු, තෛරොයිඩ් ග්‍රන්ථිය ආශ්‍රිත තත්ත්ව, අක්මාව ආශ්‍රිත ඇති සියලු රෝග සඳහා විටමින් සී සෘජුවේම බලපායි.
ඉහත රෝගවලින් පෙළෙන පුද්ගලයන් විටමින් සී වැඩිපුර ලබා ගැනීම සුදුසුයි. මීට අමතරව මුහුණේ ඇතිවන ඇක්මී තත්ත්වයටත්, මතට ඇබ්බැහි වූ පුද්ගලයන්ටත් විටමින් සී සුදුසුයි.
ඔට්සම්, කුඩා දරුවන් මානසික ආතතියෙන් පෙළෙන විය, දියවැඩියා පුද්ගලයන්, මළ බද්ධයට, පාකින්සන් රෝගීන්හට විටමින් සී අවශ්‍යතාව ඉහළයි.
විටමින් සී අහිතකර තත්ත්වය
විටමින් සී වැඩිපුර ගැනීමෙන් මුත්‍රා ආශ්‍රිත රෝග සෑදේ. විශේෂයෙන් යූරින් ඇසිඩ් සහ වකුගඩුවේගල් හට ගැනීමේ අවස්ථා ඇති කරයි. එසේම osmotic diarrhoea . මෙය වරින් වර බඩ බුරුල්ව යාමේ තත්ත්වයයි. තරුණ පරපුර අතර සුලභව දැකිය හැකිය. එහි ප්‍රතිඵලයක් ලෙස වැඩිපුර වාර ගණනක් සිදුවේ.
යම් පුද්ගලයෙකුගේ සිරුරට දිනකට ඇවැසි යකඩ ප්‍රමාණය ආහාර මගින් රුධිරයේ තැම්පත් කිරීම විටමින් සී මගින් ඉටු වේ. එබැවින් ඇනීමියා, යකඩ ඌනතාවෙන් පෙළෙන ළමයින්ට, කාන්තාවන්ට විටමින් සී අවශ්‍යතාව සපුරා ගත හැකිය.
අතුරු ආබාධ ඇති වන්නේ ඔබ දිගුකාලීනව විටමින් සී පෙත්තක් ලෙස භාවිත කළ හොත් පමණි. ඒත් ආහාර මගින් මෙම අවශ්‍යතාව සපුරා ගත්තාට වරදක් නැත. ආහාර පිසීමේදී කිසිම එළවළුවක් විනාඩි 20ක් 30ක් අතර දිගු කාලයක් පුරා තම්බා නොගත යුතුයි. එහිදී ඒවායේ පෝෂණ ගුණයද වියැකේ.
දිනකට වැඩි වාර ගණනක් දුම් බොන පුද්ගලයන්ගේ සිරුරේ වේගයෙන් විටමින් සී අඩුවේ. සමහර පුද්ගලයන්ගේ රුධිරයේ යකඩ වැඩිවීමේ අවස්ථාද රතු රුධිරානු මට්ටම ඉහළ යන අවස්ථාද ඇතිවේ. එවැනි අය විටමින් සී වැඩිපුර ගැනීමේදී පරෙස්සම් විය යුතුය.
සටහන - මාධවී ධර්මරත්න
