විඩියෝ ක්‍රිඩා ඕමාන වෙළඳපලෙන් ඉවතට
ළමයින්ගේ හිත් දුෂණය වන ආකාරයෙන් නිර්මාණය කර ඇති විඩියෝ ක්‍රිඩා ඕමාන වෙළඳපලෙන් ඉවත් කිරීමට ඕමාන් පාරිභෝගික අධිකාරිය තීරණය කර ඇති බව ජි.ඩි.එන් ඔන්ලයින් වෙබ් අඩවිය වාර්තා කළේය.
ඕමානයේ බුරෙයිමි නගරයේ වෙළදසැල් තුල දරුවන්ට විකිණීමට තබා තිබු අසභ්‍ය පින්තූර සහිත වීඩියෝ ක්‍රීඩා පිටපත් කරන ලද තැටි ඕමාන් පාරිභෝගික අධිකාරිය අත්අඩංගුවට ගෙන ඇති බව ටයිම්ස් ඔෆ් ඕමාන් වෙබ් පුවත්පත වාර්තා කළේය.
පිටපත් කරන ලද විඩියෝ ක්‍රීඩා සහිත තැටි මිලදී ගත් ඕමාන ජාතිකයෙකු පාරිභෝගික සේවා අධිකාරියට පැමිණිලි කිරීමෙන් පසු එම තැටි අත්අඩංගුවට ගැනීමට පියවර ගත්තේය.
නීතිමය කටයුතු සිදු කිරීමට පෙර අසභ්‍ය පින්තූර සහිත විඩියෝ ක්‍රීඩා අඩංගු මුල් පිටපත සෙවීම සඳහා පරීක්ෂණයක් ආරම්භ කල බව පාරිභෝගික සේවා අධිකාරියේ වෙළඳපල නියාමනය සහ පාලන අංශයේ ප්‍රධානි, ඉසා බින් සයිඩ් අල්-සයිඩ් ප්‍රකාශ කළේය.
ජානක ප්‍රියදර්ශන ජයතිලක
(ජි.ඩි.එන් ඔන්ලයින් පුවත් ඇසුරෙනි)
