දින 3 ක ශෝක කාලයක්
ලෙබනන් පාර්ලිමේන්තුව අද (5) හදිසියේ රැස්වුණු අතර, බීරූට් නුවර පිපිරීමෙන් මියගිය සහ තුවාල ලැබූවන් වෙනුවෙන් එහිදී දින 3 ක ශෝක කාලයක් ප්රකාශයට පත් කෙරුණි. ඊට අමතරව බීරූට් නුවර හදිසි තත්ත්වයක් ද ප්රකාශයට පත් කෙරුණි. ලෙබනන් රජය පවසා ඇත්තේ ලක්ෂ දෙකකට වැඩි පිරිසකට උන්හිටිතැන් අහිමිවී ඇති බවය.
පිපිරුමෙන් බීරූට් වරාය යළි භාවිතයට ගත නොහැකි අයුරින් මුළුමනින්ම විනාශ වී ඇතැයි පැවැසෙයි. ලෙබනනය ද ‘කොවිඞ් 19’ හෙවත් නව කොරෝනා වයිරසයෙන් පීඩාවට පත් වූ රාජ්යයකි. ලෙබනන් වැසියන්ගේ ආර්ථික කේන්ද්රස්ථානය ලෙස සැලකෙන්නේ බීරූට් වරායයි.
වසර පුරාවට අවශ්ය ආහාර සහ ඖෂධ ගබඩා ඇත්තේ ද වරායේය. ඒ සියල්ල පිපිරුමෙන් විනාශ වී ගොස් ඇති බව පැවැසෙයි. ආර්ථික සහ දේශපාලනික වශයෙන් අස්ථාරව වූ මුළුමිනින්ම අඩපණ කිරීමට මෙම පිපිරුම හේතුවක් වනු ඇති බව ජගත් විශ්ලේෂකයෝ පෙන්වා දෙති.
(අල් ජසීරා)