තෙදින නිල සංචාරයක් ආරම්භ කරමින් සෞදි අරාබියේ රියාද් බලා පැමිණි චීන ජනාධිපති ෂී ජින්පින්ට උණුසුම් පිළිගැනීමක් හිමිවිය. චීන ජනාධිපති ෂී ජින්පින් සෞදියට පැමිණියේ චීන නියෝජිතයන් කණ්ඩායමක් ද පිරිවරා ගනිමිනි.

සෞදි රජු සල්මාන් රජු මෙන්ම ඔටුන්න හිමි සල්මාන් කුමරුන්ගෙන් ද චීන ජනාධිපතිවරයාට හිමිවූයේ උණුසුම් පිළිගැනීමකි. සෞදියත් චීනයත් අතර ද්වී පාර්ශ්වීක සබඳතා තර කර ගැනීමෙන් පසු නව ආයෝජන සම්බන්ධයෙන් සාකච්ඡා පැවැත්විණි. දෙරට අතර ඇමෙරිකන් ඩොලර් බිලියන 29.26 ක ගිවිසුම්වලට අත්සන් තැබුණි.

සෞදියේ ඔටුන්න හිමි සල්මාන් කුමරුන්ගේ අදහසකට අනුව, චීන අරාබි සමුළුවක් ද පැවැත්වෙයි. අරාබි රටවල රාජ්‍ය නායකයන් මෙම සමුළුවට සහභාගී වීමට නියමිතය. චීනය සහ අරාබි රටවල සහභාගීත්වයෙන් සමුළුවක් පැවැත්වෙන පළමු අවස්ථාව වන්නේ ද මෙයයි.

(රොයිටර්)