කටාර් එමීර් මහ සමුළුව අමතයි
තම රටේ විදෙස් ප්‍රතිපත්තිවලට විරෝධය පාමින්, සෞදිය ප්‍රමුඛ සෙසු රාජ්‍යයන් වන බහරේනය, එක්සත් අරාබි එමිරේට්ස් රාජ්‍යය සහ ඊජිප්තුව එක් වී, තම රටට පැනැවූ සම්බාධක අසාධාරණ බවත්, එම සම්බාක ඉවත් කිරීමට ඔවුන් ඉදිරිපත් කරන කොන්දේසි මගින් තම රටේ ස්වෛරීත්වය උල්ලංඝනය වන බවත් කටාර් එමීර් ෂෙයික් තමීම් බින් හමාද් අල් තානී කියයි.
කටාර් එමීර්වරයා මෙසේ කියා සිටියේ එක්සත් ජාතීන්ගේ 72 වැනි මහාස මණ්ඩල සැසිය අමතමිනි.
තම කටාර් රාජ්‍යය මුල්කොට ගනිමින් නිර්මාණය වුණු අර්බුදය විසඳීම සාකච්ඡා මාර්ගයෙන් පමණක් කළ යුතු බවත් එසේ සාකච්ඡා කළ යුත්තේ කටාර් රාජ්‍යයේ ස්වෛරීත්වයට ගරු කරමින් බවත් කටාර් එමීර්වරයා කරුණු පැහැදිලි කළේය.
කටාර් වැසියන් පීඩාවට පත් කිරීමේ අරමුණින් සෞදිය ප්‍රමුඛ රටවල් පැනැවූ සම්බාධක අසාධාරණ බව ද කටාර් එමීර්වරයා මහා මණ්ඩල සැසියට එක් වුණු සෙසු රටවල නියෝජිතයන් හමුවේ කියා සිටියේය.
(ද පෙනින්සියුලා)
