කටාර් අර්බුදය විසඳාගන්න - පුටින් කියයි
සෞදිය ප්‍රමුඛ ගල්ෆ් කලාපීය රටවල් සහ කටාර් රාජ්‍යය අතර හටගෙන ඇති අර්බුදය, ගල්ෆ් කලාපයට පමණක් නොව, මුළු ලොවටම බලපෑමක් එල්ල කරන කරුණක් බව පෙන්වා දෙමින්, රුසියානු ජනාධිපති ව්ලැදිමීර් පුටින් කියා සිටියේ හටගෙන ඇති අර්බුදය කඩිනමින් විසඳා ගැනීමට සියලු පාර්ශ්ව යුහුසුළු විය යුතු බවය.
පවතින මත ගැටුම් විසඳා ගැනීමට නම්, එය සාකච්ඡා මාර්ගයෙන් කළ යුතු බවත් රුසියානු ජනාධිපතිවරයා පෙන්වා දුන්නේය.
කටාර් අර්බුදය මුල්කොට ගනිමින් ගල්ෆ් කලාපීය රටවල් අතරේ බෙදීමක් සිදුවුවහොත් එය ලෝක යුද්ධයක් තෙක් දුරදිග යා හැකි යැයි ද රුසියානු ජනාධිපති ව්ලැදිමීර් පුටින් අනතුරු ඇඟවීමක් ද කළේය.
(රොයිටර්)
