අයි.එස්. ඉස්ලාම් රාජ්‍යය බිඳ වැටේ



මොසූල් නුවර කේන්ද්‍ර කොට ගනිමින් දයේෂ් හෙවත් අයි.එස්.අයි.එස්. ත්‍රස්තවාදීන් විසින් පිහිටුවා ගත් ‘ඉස්ලාමීය රාජ්‍යය’ බිඳ වැටී ඇති බවත්, අයි.එස්. ත්‍රස්තයන්ගේ අවසානය සනිටුහන් කළ බවත්, ඉරාක අගමැති හෙයිඩර් අල් අබාදී ජාතිය අමතමින් විශේෂ ප්‍රකාශයක් කළේය.

අයි.එස්. නායක අල් බැග්ඩෑඩි ප්‍රමුඛ සටන්කාමීන්, ඔවුන්ගේ ඉස්ලාමීය රාජ්‍යය පිහිටුවා ගෙන තිබුණේ මොසූල් නුවර ‘අල් නූරි’ මුස්ලිම් දේවස්ථානය ද එක් කර ගනිමිනි. මේ වනවිට ඉරාක හමුදා, ඔවුන්ට සහාය දක්වන සෙසු සටන්කාමීන් ද සමඟ එක් වී, මෙම දේවස්ථානය අත්පත් කර ගෙන සිටින බව පැවැසෙයි.

‘සටන් අවසන් නැහැ. අපි දයේෂ් ත්‍රස්තවාදීන් මුලිනුපුටා දමන තුරු සටන් කරනවා. පණ පිටින් අල්ලා ගන්න පුළුවන් අය අල්ලා ගන්නවා. අවි බිම නොදමන අයට කිසිදු සමාවක් ලැබෙන්නේ නැහැ.’ යැයි අගමැති හෙයිඩර් අල් අබාදී ත්‍රස්තයින්ට අනතුරු ඇඟවීමක් ද කළේය.
මොසූල් නුවර මේ අයුරින් මුදා ගැනීමට ඉරාක හමුදාව සහ රජය සමත්වීම විශාල ජයග්‍රහණයක් යැයි යුද විශ්ලේෂකයෝ පෙන්වා දෙති. මොසූල් නුවර අයි.එස්. හෙවත් දයේෂ් ග්‍රහණයට පත් වූයේ 2014 වසරේදීය.

(ප්‍රෙස් ටීවී)

 


RECOMMEND POSTS