• 2017-02-22 00:00:00
  • ඇමෙරිකා ඩොලරය ගැනුම් මිල රු.149.80 , විකුණුම් මිල රු.153.56
  • බි‍්‍රතාන්‍යය පවුම ගැනුම් මිල රු.186.51 , විකුණුම් මිල රු.192.86
  • යුරෝ යුරෝපය ගැනුම් මිල රු.157.02 , විකුණුම් මිල රු.163.02
  • ස්වීස් ප‍්‍රෑන්ක් ගැනුම් මිල රු.147.56 , විකුණුම් මිල රු.153.44
  • කැනඩා ඩොලරය ගැනුම් මිල රු.113.47 , විකුණුම් මිල රු.117.94
  • ඔස්ට්‍රේලියා ඩොලරය ගැනුම් මිල රු.114.17 , විකුණුම් මිල රු.119.24
  • සිංගප්පූරු ඩොලරය ගැනුම් මිල රු.105.14 , විකුණුම් මිල රු.108.99
  • ජපානය යෙන් ගැනුම් මිල රු.1.3141 , විකුණුම් මිල රු.1.3616

තුර්කියේ රුසියානු තානාපතිවරයා වෙඩි පහරකින් මියයයි



තුර්කියේ සිටි රුසියානු තානාපතිවරයා තුර්කියේ අගනුවර වන අන්කාරා හිදි වෙඩි තබා ඝාතනය කර ඇති බව රුසියානු ප්‍රවෘත්ති ඒජන්සිය වාර්තා කළේය.

ඇන්ඩ්‍රි කාර්ලොව් නම් මෙම තානාපතිවරයා තුර්කියේ අගනුවර පැවති ඡායාරූප ප්‍රදර්ශනයක කතාවක් සිදුකරමින් සිටි අවස්ථාවේදි ඔහුගේ පිටු පසින් පැමිණි නාදුනන තුවක්කුකරුවකු විසින් තානාපතිවරයාට වෙඩි තබා ඇත. මෙම ඝාතනය සිදුව ඇත්තේ තුර්කි වේලාවෙන් සඳුදා(19) පස්වරු 7.30ට පමණය.

මෙම වෙඩි තැබීමට පැමිණි පුද්ගලයා වැදගත් පුද්ගලයෙකු ලෙස මෙම උත්සවයට පැමිණ ඇති අතර ආරක්ෂක අංශවල අවධානය ගිලිහී ගිය අවස්ථාවක තමාගේ ඉලක්කය වූ තානාපතිවරයා වෙත ළඟාවී ඇත.

තානාපතිවරයාට ළඟාවීමෙන් පසුව අල්ලාහු අක්බර් යනුවෙන් කෑගසා තානාපතිවරයාට වෙඩි තැබීම ආරම්භ කර ඇති අතර වෙඩි වාර අටක් පමණ එල්ල කර ඇත.

“අපි ඇලෙප්පෝවේ මැරෙනවා, ඔබ මෙහේ මිය යා යුතුය“ යනුවෙන් තුවක්කුකරු විසින් ප්රකාශ කර ඇත.

ක්ෂණිකව ක්‍රියාත්මකවූ තුර්කි ආරක්ෂක අංශ නිලධාරීන් විසින් මෙම තුවක්කුකරුව වෙඩිතබා ඝාතනය කළ බව තුර්කියේ එන්.ටී.වී රූපවාහිනී සේවය වාර්තා කළේය.

රුසියානු විදේශ අමාත්යාංශය නිල වශයෙන් මෙම තානාපතිවරයාගේ ඝාතනය කිරීම තහවුරු කර නොමැත.

නමුත් තුර්කි තානාපතිවරයාට නාදුනන තුවක්කුකරුවකු විසින්  උත්සවයකදී වෙඩිතබා ඇති බව රුසියානු විදේශ අමාත්යාංශ ප්රකාශයකු වන මාරියා සකරෝවා ප්රකාශ කළාය.

මෙම සිද්ධිය සම්බන්ධව තුර්කි නිලධාරීන් සමග අදහස් හුවමාරු කරගනිමින් සිටින බව ඇය තවදුරටත් ප්‍රකාශ කලාය.


(ඉන්ඩිපෙන්ඩන්ට් පුවත් ඇසුරෙනි)

ජානක ප්‍රියදර්ශන ජයතිලක


RELATED POSTS