කාන්තාවට පහරදුන් මන්ත්‍රීට වැඩවරදී



කාන්තාවකට අමානුෂික ලෙස පහරදීමේ සිද්ධියක් මුල්කරගෙන තමිල්නාඩු ප්‍රාන්තයේ ද්‍රාවිඩ මුන්නේත්‍ර කලහම් පක්ෂයේ හිටපු ප්‍රාදේශී ‍මන්ත්‍රීවරයෙකුගේ පක්ෂ සාමජිකත්වය අත්හිටුවා තිබේ.

එස්.සේල්වකුමාර් නමැති මෙම ප්‍රාදේශීය දේශපාලඥයා පසුගිය අගෝස්තු මාසයේ 10 වනදා පරම්බලූර් දිස්ත්‍රික්කයේ රූපලාවන්‍ය මධ්‍යස්ථානයකදී කාන්තාවකට පහරදෙන දර්ශන මේ දිනවල ඉන්දීය මාධ්‍ය ප්‍රසිද්ධියට පත්කර තිබේ.

ඉන්දීය මාධ්‍ය වාර්තා සදහන් කළේ මෙම රූපලාවන්‍ය මධ්‍යස්ථානය හිමි කාන්තාව අදාළ ප්‍රාදේශීය දේශපාලනඥයාගේ දිගු කාලීන මිතුරියක බවයි.

ව්‍යාපාරික කටයුතු සඳහා එස්.සෙල්වකුමාර් නමැති මෙම දේශපාලනඥයාගෙන් ආදාළ කාන්තාව මුදල් ලබාගෙන ඇති අතර එම මුදල් ආපසු ලබාදීම ප්‍රමාද කිරීමේ ප්‍රශ්නයක් මත මෙම පහර දීම සිදුව ඇති බව ඉන්දිය මාධ්‍ය වාර්තාවල සඳහන් ය.

සිද්ධිය පිළිබඳව පොලිස් විමර්ශන ක්‍රියාත්මක වන අතර වාරයේ ද්‍රවිඩ මුන්නේත්‍ර කලහම් පක්ෂය සිදුකළ විමර්ශනයකින් පසුව මෙම දේශපාලඥයාගේ පක්ෂ සාමාජිකත්වය තහනම් කිරීමට තීරණය කර තිබේ.

( තිළිණි ද සිල්වා )

හින්දුස්ථාන් ටයිම්ස්.


RECOMMEND POSTS